tenpo pini la ma pi jan lawa Asolu li lon.

jan lawa li jo e meli lili 5: meli Pela, meli Awa, meli Kalo, meli Elin en meli Sijana.

meli lili ante li toki e “Sinа” tawa mSijana, tan msina li meli lili #5 li suwi mute.

meli lili mute li jo e wawa *usawi:

mPela, meli #1, li jo e wawa seli e wawa *pika(seli sewi);

mAwa, meli #2, li jo e wawa telo e wawa lete;

mKalo, meli #3, li jo e wawa sewi e wawa kon;

mElin, meli #4, li jo e wawa ma e wawa kasi;

mSinа, meli #5, li jo e wawa olin e wawa pakala.

mSinа li jo e kon jan 2.

kon ona li pona la, ijo 2 li ken kama 1 kepeken wawa olin ona.

kon ona li ike la, ona li ken *kipisi e ijo ali kepeken wawa pakala.

taso mSinа li ken ala lawa e kon ona!

tenpo suno 1 la mama sewi suno en mama sewi mun li kama ma Asolu tan ma sewi.

ona tu li toki:

“*monsuta 3 li lon ma ali.

“*monsuta #1 li sama ma telo li lon anpa pi ma.?

“*monsuta #2 li sama pipi linja li lon telo suli.

“*monsuta #3 li sama waso li lon ma sewi.

“mi tu li ken ala moli e ona.

“meli lili pi sina li jo e wawa *usawi li ken *misikeke e ma ali!”

jan lawa li toki:

“mi olin mute e meli lili mi.

“ken la ijo ni li moli e ona!”

mama sewi tu li pilin ike, taso ona li toki e ala.

mPela li kama li toki:

“*papa. pilin mi la mi mute li jo e wawa li wile *misikeke e ma ali.

“ni li ijo pona tawa jan tawa ma ali.”

jan lawa li pana e telo oko li toki ala.

ona li tawa mPela, li pilin e mPela kepeken luka tu, li toki:

“sina mute li jan lili pona mi.

“mi wile ala weka e sina.

“o toki tawa mi: sina moli e *monsuta la sina wile kama ni!”

meli mute li pana e telo oko kin, li toki:

“mi mute li moli e *monsuta la o wile kama ni!?

“o pilin ala e ike, *papa!”

en la jan lawa li pana e *kipisi tawa meli.

meli li toki e “tawa pona!” tawa *papa ona li tawa nasin ona.

nimi pu ala:

*usawi: wawa nasa la jan ante li ken ala pali.

*pika: seli sewi. *pika li pana e kalama suli e suno jelo la, sewi li pana e telo lon tenpo kama.

*kipisi: ijo 1 li ken kama ijo 2, sama nimi “tu”. *kipisi kin li ilo.

*papa: mama mije.

*misikeke: selo e jan anu ijo lon ike.