原著：英國，丹尼爾·笛福

翻譯：英國傳教士，英為霖

抄錄：常ならむ

第六章

? ? 雖然各物搬到岸上，冇地方收藏，倘或潮水大起嚟，必定被水浸嘵，豈毋系前功盡棄咩，故此周圍睇下地方，見三里咁遠，有一個大山，箇山好高嘅，山后便又有好多山，一連好遠，將藏火藥嘅牛角，掛在膊頭，手槍收埋袋里頭，擔起一枝火槍，一直行，??嚟防避，因為初到呢處，毋知到點樣，若遇著野人或野獸，有火器可以拒敵，而且至緊要嘅，仲在有肉食，有火器就隨便打獵，可以得飽，一路行到山邊，見箇笪地冇人嘅蹤跡，冇耕田人行嘅路，與及人整食物嘅地方，一啲都冇，連畜生都冇，所以知得呢笪地方，自古至今，冇一個人到呢處嘅，就上到高山頂，睇見四圍皆系水，好藍色嘅，知系海島，總冇人喺處嘅，近海箇處，另有兩個細島，我所上嘅系大嘅，有好多雀鳥，亦毋知系乜名，就揀擇一只大嘅，開槍打死佢，想下呢個島，自創(chuàng)世以來，有槍聲，算呢賬系第一次，后來睇見打死只雀系鷹之類，箇啲肉毋食得嘅，故此毋要，又再睇下呢個島，無非皆系毋好嘅地方，心里嘆息，噉就落山，將各樣物件搬去高地，但系箇陣已經(jīng)挨晚呀，想下今晚點瞓得安樂呢，若系有野獸毒蛇豈毋危險咩，雖然噉樣想下，后來亦知到呢個島實系冇野獸毒蛇嘅，就??裝嚟嘅箱，共箇啲板，整成一間屋仔，可以喺處瞓，忽然想下，我所帶嚟食物，若食完，又點呢，呢處冇蔬菜，五谷，肉食，記得在山箇時睇見有只獸，好似兔，又毋系兔，亦毋知到佢好食嘅毋好食，想嘵好耐，明日用乜嘢法子，再到大船處攞物件，呢啲事要商量，忽然笑起嚟話在呢個島處，無別二個人，共乜誰商量呢，獨系自己個心共個口商量呮，講到呢陣，好疚癐就瞓，過嘵一晚，到明日想一定到大船處，毋使昨日嘅木排系游水去，就將衣服脫曬，擠落瞓箇處，游水到大船，先入木匠嘅房，??所用嘅斧頭鐵鑿，幾十件攞曬，又攞小釘共極大嘅釘，磨刀石，共埋起重物嘅千斤，又入軍器房，攞火槍，鳥槍，火藥，彈子，好多物件，亦??板釘成木排，擠曬排上，又將各人衣服，及篷??嘅布帳，堆埋排上，擠到滿嘵為止，照依昨日嘅法子，裝到岸上，十分平安，在船箇時，想下岸上有咁多物件，或系俾野獸所食，點算好呢，后來上岸到瞓箇處，見箇啲物件喺處，心中好歡喜咯。